Güclü qar səbəbilə bu yollarda avtomobillərin hərəkəti məhdudlaşdırılıb – RƏSMİ
Avtomobil Yolları Departamentinin məlumatına görə, çətin meteoroloji şərait səbəbindən bəzi yolların müəyyən hissələrində məhdudiyyətlər tətbiq edilib.
Qurumun məlumatına əsasən, çətin meteoroloji şərait (qar, çovğun və məhdud görünüş) səbəbindən yerli əhəmiyyətli Niçbisi-Didqori-Didi Toneti avtomobil yolunda müvəqqəti olaraq bütün növ nəqliyyat vasitələrinin hərəkəti dayandırılıb.
“Şiddətli qar yağışı səbəbindən yerli əhəmiyyətli Qomi-Saçxere-Çiatura-Zestafoni avtomobil yolunun km1-km52 (Qomi-Savane) hissəsində və Koda-Farçxisi-Manglisi-Tsalka-Ninoçminda avtomobil yolunun km94-km146 (Paravani aşırımı) hissəsində qoşqulu və yarımqoşqulu nəqliyyat vasitələrinin hərəkəti müvəqqəti olaraq dayandırılıb, digər növ nəqliyyat vasitələrinin hərəkətinə isə icazə verilir.
Milli Ətraf Mühit Agentliyinin məlumatına əsasən, beynəlxalq əhəmiyyətli Mtsxeta-Stepantsminda-Lars avtomobil yolunun Qudauri (Posta)-Kobi hissəsində qar uçqunu təhlükəsi yüksək səviyyədədir. Buna görə də həmin hissədə müvəqqəti olaraq bütün növ nəqliyyat vasitələrinin hərəkəti qadağan edilib,” – məlumatda deyilir.
Bizi WhatsApp – da izləyin.