Tbilisidə “Qərbi Azərbaycana Qayıdış Konsepsiyasının dünyada tanıdılmasının əhəmiyyəti” mövzusunda dəyirmi masa keçirilib – VIDEO REPORTAJ

Tbilisidə “Qərbi Azərbaycana Qayıdış konsepsiyasının dünyada tanıdılmasının əhəmiyyəti ” mövzusunda dəyirmi masa keçirilib.

RealNews.ge əməkdaşlarının tədbirdən hazırladıqları video reportajı təqdim edirik:

Azərbaycanın “Tərəfsiz Jurnalistlər Birliyinin” təşəbbüsü və QHT-lərə Dövlət Dəstəyi Agentliyinin maliyyə dəstəyi ilə keçirilən tədbirdə AZƏRTAC-ın Gürcüstan üzrə müxbiri Xətayi Əzizov çıxış edərək Qərbi Azərbaycana Qayıdış Konsepsiyasının əhəmiyyəti, bu konsepsiya ilə bağlı həyata keçirilən layihələr barədə danışıb.

Azərbaycanın Gürcüstandakı səfirliyinin müşaviri Eldar Bayramov çıxışında bu konsepsiyanın Qərbi Azərbaycanlılarla bağlı məlumat bazasının yaradılması, dünya ictimaiyyətinin məlumatlandırılması və ən nəhayət Qərbi Azərbaycanlıların öz doğma yurdlarına qayıtması üçün geniş imkanlar yaratdığını bildirib.

Tərəfsiz Jurnalistlər Birliyinin nümayəndəsi, “Qərbi Azərbaycanlıların Qayıdış Konsepsiyasının xarici mediada təbliği” layihəsinin rəhbəri Pərvin Arzuqızı isə layihə barədə iştirakçılara ətraflı məlumat verib.

Tədbir zamanı Qərbi Azərbaycandan olan Vahirə Astanova Gürcüstanda Qərbi Azərbaycanlılar Birliyinin yaradılmasını təklif edib. Təklif razılıqla qarşılanıb. Digər çıxış edənlər də layihə barədə fikirlərini bölüşüblər.

Məlumat üçün onu da bildirək ki, tədbir Azərbaycanın Gürcüstandakı Səfirliyinin, AZƏRTAC və M.F.Axundzadə adına Azərbaycan Mədəniyyəti Muzeyinin təşkilati dəstəyi ilə keçirilib.