Xram çayında 17 yaşlı yeniyetmənin cəsədi tapılıb – FOTO

Bolnisi bələdiyyəsinin Arıxlı kəndində dostları ilə birlikdə Xram çayına çimməyə gedən yeniyetmənin bu gün səhər saatlarında meyiti tapılıb.

Belə ki, hadisə ötən gün baş verib. Hadisədən dərhal sonra Fövqəladə Hallar Xidmətinin əməkdaşları, eləcə də yerli sakinlər yeniyetmənin axtarışlarına başlayıblar. Axtarış-xilasetmə əməliyyatı gecə boyu və bu gün səhər saatlarında davam etdirilib.

Məlumata görə, boğularaq həlak olan 17 yaşlı yeniyetmə Marneuli bələdiyyəsinin Qızılhacılı kənd sakinidir.