Baş nazir: Azərbaycanla Ermənistan arasında sülh prosesini alqışlayırıq

Gürcüstan Cənubi Qafqazda dinc birgəyaşayışı və sabitliyi dəstəkləyir.

Bunu Baş nazir İrakli Kobaxidze Tbilisidə səfərdə olan ermənistanlı həmkarı Nikol Paşinyanla görüşdən sonra mətbuata birgə açıqlamasında deyib.

“Gürcüstan Ermənistan və Azərbaycan arasında sülh sazişi prosesini, xüsusilə də Ermənistanın qonşu ölkələrlə normallaşma səylərini alqışlayır. Biz regionda sülh və sabitliyin təmin edilməsində rol oynamağa hazırıq”, – Kobaxidze deyib.