Laçın yolundakı aksiya 40 gecədir davam edir, şüarlar səsləndirilir – FOTO

Azərbaycanda Rusiya sülhməramlılarının müvəqqəti nəzarətində olan ərazilərdə faydalı qazıntı yataqlarına, xüsusilə Qızılbulaq qızıl və Dəmirli mis-molibden yataqlarının qanunsuz istismarına etiraz olaraq eko-fəallar və QHT təmsilçiləri Şuşa-Laçın yolunda aksiyanı davam etdirir.

Havanın soyuq və şaxtalı olmağına baxmayaraq, ekofəallar aksiyanı bu gecə də davam etdirəcəklərini bildiriblər.

Hazırda da ekoaktivistlər və gənc könüllülər “Azərbaycan oyaqdır, sərvətinə dayaqdır!”, “Azərbaycan vahiddir, sərvətinə sahibdir!”, “Ekoloji cinayətə son!”, “Берегите природу!” (Təbiəti qoruyun), “Экоциду нет! Мониторингу да!” (Ekosidə yox! Monitorinqə hə!) şüarlarını səsləndirirlər.

Qeyd edək ki, aksiya ötən il dekabrın 12-də başlayıb.