Zaur Darğallı Marneuli-Qardabani seçki dairəsinə deleqat seçilib

Gürcüstan Parlamentinin deputatı Zaur Darğallı “Gürcü arzusu” partiyasının Marneuli-Qardabani seçki kampaniyasına rəhbərlik edəcək deleqat seçilib.

Bu barədə Baş nazir İrakli Kobaxidze brifinqdə bildirib. Hökumət başçısı qeyd edib ki, regionlarda “Gürcü arzusu”nun seçki kampaniyasına rəhbərlik edəcək 22 deleqat (nümayəndə) fəaliyyət göstərəcək.

Baş nazir bütün nümayəndələrin “Gürcü arzusu”nun proporsional siyahısında təmsil olunacaqlarını açıqlayıb.