Lebron Ceyms NBA-da yeni rekorda imza atıb

ABŞ-ın “Los-Anceles Leykers” klubunun basketbolçusu Lebron Ceyms Milli Basketbol Assosiasiyasının (NBA) tarixinə düşüb.

39 yaşlı idmançı buna “Los-Anceles Klippers”ə 115:133 hesabı ilə uduzduqları oyunda yiyələnib.

Ceyms bu qarşılaşmada 46 xal toplayıb.

Beləliklə, təcrübəli basketbolçu NBA komandalarının hamısına qarşı matçlarda ən azı 40 xal toplayan ilk oyunçu olub.