Azərbaycan və Ermənistanın XİN rəhbərləri arasında danışıqlar ikitərəfli formatda davam edəcək

Azərbaycanın xarici işlər naziri Ceyhun Bayramovla Ermənistanın xarici işlər naziri Ararat Mirzoyan arasında ABŞ-da baş tutan danışıqlar ikitərəfli formatda davam etdiriləcək.

Qeyd edək ki, Azərbaycanın xarici işlər naziri Ceyhun Bayramovla Ermənistanın xarici işlər naziri Ararat Mirzoyan arasında iyunun 28-də keçirilən ikitərəfli görüş dörd saatdan çox davam edib.

İyunun 29-a qədər davam edəcək danışıqların ilk mərhələsi ABŞ-nin Virciniya ştatının Arlinqton şəhərində yerləşən Corc P.Şults adına Xarici Əlaqələr üzrə Milli Təlim Mərkəzində aparılıb.

Xatırladaq ki, görüşün Blinkenin iştirakı ilə üçtərəfli formatda davam etdirilməsi gözlənilmir.