Rus əsgərləri traktorla hərəkətdə olan üç dinc sakini…
Ukrayna Silahlı Qüvvələrinin 77-ci Hava-Desant Briqadasının pilotları bildirirlər ki, rus əsgərləri üç dinc sakini qətlə yetiriblər.
Onların məlumatına görə, həmin şəxslər döyüş zonasından təxliyə olunmağa çalışırdılar.
“77-ci Hava-Desant Briqadasının pilotları növbəti cinayəti qeydə alıblar. Xarkov vilayətinin Zaqrizovo və Boquslavka kəndləri arasında mühərrikli traktorla hərəkət edən dinc sakinlərə hava-hücum dronu ilə hücum edilib. Vətəndaşlar döyüş zonasından təxliyə olunmağa çalışırdılar, lakin məhz bu anda rus qüvvələri onlara dronla qəsdən atəş açıblar,” – deyə pilotlar bildirirlər.
Pilotların sözlərinə görə, hücum qəsdən təşkil olunub və məqsəd hərbi təhlükə yaratmayan şəxslərin öldürülməsi olub.
Ukrayna Silahlı Qüvvələrinin məlumatına əsasən, bu hadisə bir daha sübut edir ki, rus qüvvələri qanun, əxlaq və insanlıq prinsipləri ilə uyğun olmayan hərbi metodlardan istifadə edirlər.
Bizi WhatsApp – da izləyin.