“Qardabnoba 2024” tədbirinin keçiriləcəyi tarix bəlli olub

4 oktyabrda Qardabani Mərkəzi Parkında “Qardabnoba 2024” tədbiri keçiriləcək.

Bu barədə Qardabani Meriyası məlumat yayıb.

Tədbirin ilk hissəsində, saat 17:00-da nağaraçıların marşı ilə başlanacaq. 17:00-19:00 saatları arasında yerli sahibkarların məhsullarının sərgi və satışı keçiriləcək. Eyni zamanda, gürcü və azərbaycan etnoqrafik əşyalarının sərgisi də təşkil olunacaq.

Uşaqlar üçün xüsusi proqram da hazırlanıb. 16:00-18:00 arası uşaq məkanında animatorlar, nağıl qəhrəmanları və üz rəngləmə fəaliyyətləri təşkil olunacaq.

Tədbirin rəsmi hissəsi saat 18:00-da başlayacaq. Bu zaman Qardabaninin fəxri vətəndaşlarının mükafatlandırılması mərasimi baş tutacaq. Tədbirə musiqi proqramı da rəng qatacaq. Səhnədə A(A)İP Mədəniyyət və İncəsənət Mərkəzinin “Betaniya” folklor ansamblı, “Ursa” qrupu və Anar Cavadov çıxış edəcəklər.

Günün sonunda isə DJ performansı və möhtəşəm atəşfəşanlıq tədbirə son nöqtəni qoyacaq.