Telavidə qanlı hadisə: Öldürmək istədi, yaralayıb qaçdı… – VİDEO

Daxili İşlər Nazirliyinin Kaxeti Polis Departamentinin əməkdaşları qəsdən adam öldürməyə cəhd ittihamı ilə 1993-cü il təvəllüdlü V.K.-nı saxlayıblar.

İstintaqla müəyyən edilib ki, təqsirləndirilən şəxs Telavi bələdiyyəsi ərazisində baş vermiş mübahisə zəminində soyuq silahdan istifadə edərək 1978-ci il təvəllüdlü G.Q.-nı yaralayıb və hadisə yerindən qaçıb.

Yaralanan kişi müvafiq tibbi yardım göstərilməsi məqsədilə klinikaya çatdırılıb.

Aparılan istintaq tədbirləri nəticəsində hüquq-mühafizə orqanlarının əməkdaşları təqsirləndirilən şəxsi isti izlərlə saxlayıblar.

Faktla bağlı istintaq Gürcüstan Cinayət Məcəlləsinin 19-108-ci maddələri ilə aparılır ki, bu da 15 ilədək azadlıqdan məhrumetmə cəzasını nəzərdə tutur.

Bizi WhatsApp – da izləyin.